كسكسو

المكونات

* 2 كيسان ديال حمص مفرك. 
* نص كيلو ديال قرعة حمرا مقطعة مربعات.
* 2 بصلات مقطعين شرائح.
* 1 كلغ من الكسكس.
* نص كيلو ديال الكرمب.
* 1 كلغ من اللحم.
* كاس ديال زيت.
* ملح + ابزار + زعفران + سكينجبير .
* نص كيلو ديال خيزو مقشر و مقطع بالطول و مزول ليه القلب. 
* نص كيلو ديال اللفت الأبيض والأصفرمقطع طويل.
* نص كيلو ديال القرعة مقطع بالطول.
* نص كيلو ديال الفول خضر.
* نص كيلو ديال مطيشة مقطعة مربعات و بدون زريعة.
* قبطة ديال القزبر مربوطة بخيط.
* الماء .

طريقة التحضير

في البرمة كنديرو الزيت و اللحم و البصلة + العطرية + سمن يتشحرو ثم نضيفو واحد 2 لتر ديال ماء و نقفلو عليهم شي نص ساعة.
دابا نضيفو الحمص + جميع الخضرة للبرمة + شوية الماء و نخليوه يطيب.

في قصرية كنوضعو السميد و نرشوه بشوية لماء و نبداو نكسكسو فيه باش يتفرق و ميلصقش في نفس الوقت كنضيفو ليه 2 معالق ديال زيت و نستمرو .

الان نديروه في كسكاس و نحطوه فوق البرمة و نقفلو عيله مزيان بالقفال.

منين يبدا يطلع البخار من الكسكاس كنوضعوه في قصرية و نرشوه بالماء و نفتلوه ثم نرجعوه لفوق البرمة .
منين يبدا بطلع البخار مره ثانية نوضعوه في قصرية للمرة التالثة و نرشوه بالماء و نفتلوه و نرجعوه فوق البرمة.

الان لما يطلع بخار كثيف كنجيروه فقصرية و ندهنوه بسمن بلدية تم نسقيوه بالمرقة و ونوضعو اللحم + الخضر اللي في البرمة في الوسط و يقدم بالصحة و الراحة

كسكسو
100 out of 100 based on 100 ratings. 100 user reviews.